JSN Mico - шаблон joomla Авто
შესვლა რეგისტრაცია

შეხვიდეთ თქვენს ანგარიშზე

მომხმარებლის სახელი *
პაროლი *
დამიმახსოვრე

შექმენი ანგარიში

ველი რომელიც აღნიშნულია ვარსკვლავი (*) აუცილებელია.
სახელი *
მომხმარებლის სახელი *
პაროლი *
დაადასტურეთ პაროლი *
ელ-ფოსტა *
დაადასტურეთ ელ-ფოსტა *
Captcha *
  • dgdfgdg-laoderi.png
  • dosddos.png
  • dosddosxx.png
  • ubiquiti.png

X701703.1

ზოგადი აღწერა

სისტემური პლატა (System board) წარმოადგენს სისტემური ბლოკის ძირითად ნაწილს, რომელიც განსაზღვრავს კომპიუტერის არქიტექტურასა და მწარმოებლურობას (სურ.16). მას ასევე უწოდებენ დედაპლატას (motherboard), ძირითად ან მთავარ პლატას (main board). მასზე განლაგებულია შემდეგი ძირითადი კომპონენტები:

 

dedaplatis agwera

სისტემური პლატა

1 – სოკეტი პროცესორისათვის;

2 – ჩრდილოეთის ხიდი;

3 – სამხრეთის ხიდი;

4,5 – სლოტები მეხსიერების მოდულისათვის;

6 – მოქნილიდისკის დისკამძრავი;

7 - განსართი ATA100/ATA133 მოწყობილობისათვის;

8 – განსართი Serial ATA მოწყობილობისათვის;

9 – PCI სლოტები;

10 - PCI-Express x16 სლოტები;

11 - PCI-Express x1 სლოტები;

12-24- კონტაქტიანი ATX განსართი კვების ბლოკისათვის;

13 – 8-კონტაქტიანი დამატებითი ATX12v განსართი პროცესორისათვის;

14 – განსართი ვიდეოკარტის კვებისათვის;

15 – ძაბვის სტაბილიზატორი;

16 – კონტროლერი ინტერფეისისათვის IEEE 1384 (FireWire);

17 – აუდიოკონტროლერი;

18 – ქსელური კონტროლერი;

19 - BIOS ROM (CMOS);

20 – BIOS-ის ბატარეა.

ამ აუცილებელ საშუალებებთან ერთად თანამედროვე სისტემური პლატების უმეტესობაზე აყენებენ LPT და COM პორტების ინტერფეისებს, USB პორტებს, ATA არხების წყვილსა და ან 2-4 SATA პორტს, ლოკალური ქსელის ადაპტერს. არსებობენ სისტემური პლატები ინტეგრირებული ვიდეო, აუდიო და სხვა მოწყობილობებით, რომლებიც უზრუნველყოფენ კომპიუტერის სრულ ფუნქციონალობას დამატებითი მოწყობილობების კონტროლერების გარეშე. საჭიროების შემთხვევაში, ინტეგრირებული მოწყობილობები შეიძლება შეიცვალოს მოწყობილობებით, რომლებიც დაყენებულია გაფართოების სლოტებში (თუმცა, სისტემური პლატის ყველა მოწყობილობის მთლიანად გათიშვა არაა შესაძლებელი). სისტემურ პლატაზე კონტროლერების განთავსება, რომლებიც მოითხოვენ მონაცემების ინტენსიურ გაცვლას (ATA, SCSI, გრაფიკული ადაპტერი), საშუალებას იძლევა გამოყენებულ იქნას მეხსიერების სალტესა და პროცესორთან ლოკა¬ლურად მიერთების უპირატესობა.
სისტემურ პლატაზე სხვა კონტროლერების განთავსების მიზანია კომპიუტერზე პლატების საერთო რაოდენობის შემცირება. რომელი პლატაა უკეთესი შიშველი თუ ინტეგრირებული მოწყობილობებით დამოკიდებულია კომპიუტერის დანიშნულებაზე. ინტეგრირებული ვიდეო და აუდიო მოწყობილობები, როგორც წესი, თავიანთი პარამეტრებით არ გამოირჩევა, მაგრამ სრულად აკმაყოფილებს მრავალი მომხმარებლის მოთხოვნებს. კომპიუტერი ინტეგრირებულ სისტემურ პლატაზე შეიძლება უფრო იაფი იყოს, კომპიუტერი `შიშველ პლატაზე უფრო მოქნილია მოდერნიზაციის მხრივ, თუმცა ამ შემთხვევაში შეიძლება წარმოიშვას კომპონენტების თავსებადობის პრობლემები.
პირველი პერსონალური კომპიუტერების სისტემური პლატები (პროცესორები 8088/86), პროცესორთან ერთად შეიცავდნენ პერიფერიულ დიდ ინტეგრალურ სქემებს (წყვეტების, მეხსიერებამდე პირდაპირი მიღწევისა და სალტის კონტროლერები) და დამაკავშირებელ ლოგიკას მცირე და საშუალო ხარისხის ინტეგრაციის მიკროსქემებზე. თანამედროვე პლატები მზადდება ჩიპსეტების საფუძველზე რამდენიმე დიდი ინტეგრალური სქემის ნაკრები, რომლებიც ახდენენ ძირითადი კომპონენტების (პროცესორი, მეხსიერება და გაფართოების პლატები) კავშირების ყველა აუცილებელი ფუნქციის რეალიზებას. ჩიპსეტი განსაზღვრავს სხვადასხვა ტიპის პროცესორების, ძირითადი და კეშ მეხსიერების, ასევე სისტემის სხვა მახასიათებლების გამოყენების შესაძლებლობას. ჩიპსეტის ტიპი არსებითად ახდენს გავლენას მწარმოებლურობაზე ერთნაირი დაყენებული კომპონენტებისას (პროცე-სორი, მეხსიერება, გრაფიკული ადაპტერი და მყარი დისკი) სხვადასხვა ჩიპსეტებზე აწყობილი კომპიუტერების მწარმოებლურობა შეიძლება 30%-ით განსხვავდებოდეს.

სისტემური პლატის არქიტექტურა

კომპიუტერული ტექნიკის განვითარებასთან ერთად მუდმივად ფართოვდება სისტემური პლატის ჩიპსეტის ფუნქცია და იცვლება მისი აგებისადმი მიდგომები. 80286/386-ის ჩიპსეტების ამოცანაში შედიოდა პროცესორის სალტეების დაკავშირება შედარებით მარტივ მეხსიერების კონტროლერთან და ამ კავშირისთვის E(ISA) სალტის მიერთება, რომელზეც იყო მოთავსებული ყველა მოწყობილობა. თანდათანობით გართულდა მეხსიერების ქვესისტემა გამოჩნდა კეში სისტემურ პლატაზე, შემდეგ მას დაემატა ჩაშენებული კეშ პროცესორი. 486 კლასის პროცესორებისათვის E(ISA) სალტის მწარმოებლურობა არასაკმარისი იყო და გამოჩნდნენ ახალი სალტეები. თუმცა გამოჩნდა PCI სალტე, რომლისთვისაც საჭირო გახდა ხიდის გადება სისტემური სალტიდან. ის იქცა ცენტრალურ სალტედ, რომლის გარშემოც ყველა დანარჩენი ელემენტის კომპონირება მოხდა. ტრადიციულად, სქემებზე PCI სალტეს გამოსახავენ შუაში, როგორც ეკვატორს გეოგრაფიულ რუკაზე. პროცესორსა და მეხსიერებას (კეშ მეხსიერებასთან ერთად) გამოსახავენ ზემოთ ჩრდილოეთით, ISA სალტეს და ყველა მოწყობილობას, რომლებიც უერთდება PCI და ISA-ს, გამოსა¬ხავენ ქვემოთ `ეკვატორის სამხრეთით. ჩიპსეტის შესაბამისმა ნაწილებმა მიიღეს სახელწოდებები `ჩრდილოეთი (north) და სამხრეთი (south).

სისტემური პლატის არქიტექტურა ეფუძნებოდა ცენტრალურ მაგისტრალურ სალტეს, რომელსაც დანარჩენი კომპონენტები უერთდებოდა ხიდების მეშვეობით. ცენტრალური მაგისტრალის როლში თავიდან გამოდიოდა E(ISA) სალტე, შემდეგ ის შეცვალა PCI სალტემ.
PCI სალტე მთავარი მაგისტრალის როლში დიდხანს ვერ დარჩა: კომპიუტერული ტექნიკის შემდგომ განვითარებასთან ერთად მისი გამტარუნარიანობა არასაკმარისი აღმოჩნდა. მაშინ გამოჩნდა AGP პორტი, როგორც ძლიერი ინტერფეისი გრაფიკულ აქსელერატორსა და მეხსიერებას (ასევე პროცესორს) შორის. ამასთან, ჩრდილოეთის ხიდის ამოცანები უფრო გართულდა: მეხსიერების კონტროლერს უკვე სამ ფრონტზე უწევს მუშაობა – მას მოთხოვნებს უგზავნიან პროცესორი (პროცესორები), PCI, ISA (PCI-ს მეშვეობით) და AGP პორტი. AGP-ის გამტარუნარიანობა 2x/4x/8x-ში შეადგენს 533/1066/2133 მბაიტს წამში, ასე რომ PCI სალტე მწარმოებლურობის მიხედვით უკვე მეორე-ხარისხოვანი გახდა. თუმცა, სალტურ - ხიდურ არქიტექტურაში ის ინარჩუნებს ყველა პერიფერიული მოწყობილობის მიერთების მაგისტრალის როლს.

საიტი შეიცავს მხოლოდ გადამოწმებულ მასალას MikroTik-ის მოწყობილობების დასაკონფიგურირებლად.

ჩვენ ვიყენებთ Cookies-ს, რათა დავრწმუნდეთ იმაში, რომ გაძლევთ საუკეთესო გამოცდილებას ჩვენს ვებ-გვერდზე ყოფნისას. Cookies-ს გამოყენებასთან დაკავშირებით ამომწურავი ინფორმაცია იხილეთ Cookie პოლიტიკა. ამ საიტის გამოყენებით თქვენ ავტომატურად ეთანხმებით Cookies-ის გამოყენების უფლებას.